Entrada hudisial ku konfiskashon i dos detenshon.

KOMUNIKADO DI PRENSA 182 / 2021
20 mei 2021
Entrada hudisial ku konfiskashon i dos detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djárason 19 di mei 2021, alrededor di 10.46 or, personal di Warda di Polis di Barber
konhuntamente ku personal di Divishon di Krímen Organisá, a tene entrada hudisial na un
adrès na Groot Sta. Martha.
E entrada hudisial akí, ta relashoná ku violashon di e lei di opio.
Durante investigashon polis a haña i a konfiská un total di 123 planchi di mariwana. Tambe
a konfiská atributonan pa e kultivo di e droganan.
Na e sitio e agentenan a detené e habitante di e kas. Ta trata di e hòmber sospechoso di 35
aña di edat nasé na Kòrsou.
A presentá e sospechoso dilanti un fiskal ouksiliar ku a ordena su enkarselamentu
pendiente di mas investigashon.