Detenshon di un sospechoso.

 

KOMUNIKADO DI PRENSA 185 / 2021
21 mei 2021
Detenshon di un sospechoso.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 20 di mei 2021 alrededor di 18.45’or, unidat di UST durante nan patruya a señalá
na krusada Venezuelaweg/ Brazilweg un vehíkulo sin plachi di number dilanti i bentananan
di e outo tabata skur di plak.
Na momentu ku e shofúr a nota e unidat polisial, e la subi El Salvadorweg, hisa velosidat i
kore bai. Polis a kuminsá ku un persekushon i a duna e shofúr òrdu pa para. Durante di e
persekushon shofúr di e vehíkulo a benta un opheto pretu riba tereno di un kas na
Elminaweg.
Riba Kaya Frank Curiel e shofúr a para e vehíkulo i polis a kuminsá ku un kontrol.
Un otro unidat di UST a bai Elminaweg i a haña i konfiská un arma di kandela ku un ratu
promé a keda tirá for di e vehíkulo ku polis tabata persiguí.
Na e sitio a detené e hòmber G.G.A.O. nasé na Kòrsou di 33 aña di edat, pa violashon di lei
di arma di kandela.
A presenté dilanti un fiskal ouksiliar ku a ordená su enkarselamentu pendiente di mas
investigashon.

This site uses Akismet to reduce spam. Learn how your comment data is processed.

%d bloggers like this: