KOMUNIKADO DI KUERPO POLISIAL KÒRSOU: Detenshon pa insulto i estorbo di òrdu públiko.

KOMUNIKADO DI PRENSA 223 / 2021
17 yüni 2021
Detenshon pa insulto i estorbo di òrdu públiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djarason 16 di yüni 2021 alrededor di 20.30’or, personal di polis ku ta stashoná na
aeropuerto Hato, a detené un hòmber pa insulto i estorbo di òrdu públiko.
For di investigashon a sali na kla ku e hòmber aki a yega for di Hulanda i a keda ningá dor di
personal di Imigrashon na Hato pa drenta Kòrsou, debí ku su dokumentu di biahe no tabata
na òrdu.
Na e momentu ei e hòmber aki a bira bastante onbeskòp kontra di e personal na
aeropuerto i a kuminsá insultá esaki mientras el a sòru bastante ratu pa estorbo di òrdu
públiko.
Polis mester a aktua kontra di e hòmber sospechoso aki, J.T.S.YA.G.D. di 29 aña di edat
nase na Hulanda i a detené na aeropuerto mes.
A presentá e sospechoso dilanti di un fiskal ouksiliar, mientras ku investigashon dor di
reshèrshi i Departamentu Interno di Polis ta kontinuá.