Trabounan di mantenshon na e ‘leuning’ di brùg Koninging Juliana ta kuminsá

Trabounan di mantenshon na e ‘leuning’ di brùg Koninging Juliana ta kuminsá

Geplaatst op 20 June 2021 dor di Ministerio Tráfiko, Transporte i Planifikashon Urbano

Willemstad – Servisio pa Obra Públiko ta partisipá ku entrante djaluna dia 21 yüni e kontratista MNO Vervat lo kuminsá ku trabounan di mantenshon na e ‘leuning’ di Koningin Juliana brùg. E trabounan lo dura un mas o ménos un luna.

Pa esaki tuma lugá di un manera seif i pa baha velosidat di tráfiko riba brùg, MNO lo pone bòrchi pa atvertí outomobilistanan ku ta bin for di Domi. Tambe lo pone barinan oraño for di Domi kantu di kaminda riba alsera te riba brùg. Tur esaki ta pa e vianan, ku ta bai brùg, bira mas smal ku e meta pa vehíkulonan kore mas poko poko. Pues durante di e trabounan aki, lo no sera niun via (rijstrook).

OW ta pidi tur outomobilista pa kore ku koutela ora ta yegando área di nos brùg.