Konmemorashon promé di yüli 2021 i Selebrashon dos di yüli 2021: Un Kurason Bibu pa nos Bandera
Konmemorashon promé di yüli 2021 i Selebrashon dos di yüli 2021:
Un Kurason Bibu pa nos Bandera
WILLEMSTAD – Ministerio di Enseñansa, Siensia, Kultura i Deporte ta informá ku e
Konmemorashon riba dia promé di yüli i Selebrashon di dos di yüli ta keda selebrá di un forma
ofisial ku e lema “Un Kurason Bibu pa nos Bandera”. Gobièrnu no ta permití algomerashon sin e
parti di kòntròl preventivo organisatorio. Pa e motibu akí a opta pa esaki sosodé di un forma
virtual mas tantu posibel komo ku ainda nos ta den e pandemia di COVID-19. Esaki ta nifiká ku
no tin tribuna riba Plaza Brion manera kustumbrá.
Ta pidi tur suidadano pa sigui e konmemorahonnan via di nan kanal di preferensia òf via di
plataformanan sosial di Gobièrnu di Kòrsou. Den kaso ku partisipá aktivamente na un aktividat keda
tene kuenta ku e reglanan preventivo pa ku COVID-19.
Meta di nos lema “Un Kurason Bibu pa nos Bandera” ta pa inspirá pueblo di Kòrsou haña
forsa pa lanta bèk despues di e temporada difísil ku Kòrsou a pasa aden for di mart 2020 te ku awe.
Ku e lema akí Gobièrnu di Kòrsou ke logra pa e yu di Kòrsou tene nos soñonan i nos metanan bibu
pa sigui desaroyá nan pa adelanto di nos mes i nos pais. Nos forsa ta bini for di kada un persona su
talentonan. Riba Dia di Emansipashon nos ta reflekshoná riba nos desaroyo i Dia di Bandera ta e dia
ku nos ta selebrá nos talentonan i nos logronan komo Yu di Kòrsou pa tene nos kurason bibu pa sigui
ku desaroyo di nos pais!
Programa dia promé di yüli 2021: Dia di Emansipashon
Horario: 17:15 – 20:00
– Yegada di mandatarionan i invitadonan
– Entrega na Minister Presidènt sr. Pisas di e Rapòrt final yamá:
– “Nos no ke nada mas sino nos libertat”
– Maestro di Sermonia ta anunsiá entrada di Peloton di Bandera i gruponan hubenil uniformá
riba Plasa Brion
– Himno Di Kòrsou interpretá pa T’Kayla Polonius
– Komandante di Peloton Wigley Isidora ta aserká Minister di Enseñansa, Siensia, Kultura i
Deporte, sr. Sithree van Heydoorn pa pidi pèrmit pa baha Bandera di Kòrsou;
– Seremonia di dobla Bandera di Kòrsou;
– Gabinete Pisas akompaña ta hiba e Bandera Fort Amsterdam i warda esaki. Despues ta sigui ku un
aktividat kaminda vários persona prominete ta dialoga i debate riba e tema di e dianan 1 i 2 di yuli
2021. E Debate “Un Kurason Bibu pa nos Bandera”: Kulminashon di Debatenan ku a tuma lugá den
barionan di Kòrsou Gibraltar, Lagun i Koraalspecht.
– Metanan di e Debate “Un Kurason Bibu pa nos Bandera”: ta pa yega na un definishon
komun pa e Yu di Kòrsou, formulá puntonan konkreto ku mester traha riba dje pa krea un
identidat kolektivo pa país, Kaminda ta lansa i ansa proyekto “Debate den Bario” ku lo start
9 yüli.
Programa dia dos di yüli 2021: Selebrashon Dia di Bandera
Horario: 07.00 – 11.00
– Alabansa na enkargo di Universal Voices;
– Entrada di Presidente di Parlamento i demas parlamentario;
– Entrada di Gabinete Pisas;
– Entrada di su ekselensia gobernador sra. Lucille George-Wout i esposo;
– Entrada di Atleta di aña Vanessa Mercera kompañá pa atletanan di kareda di relevo, pa
duna inisio na seremonia ofishal;
– Menshon di aktonan meritorio di Baluartenan di Barionan di Kòrsou ku ta partisipá na e
seremonia protokolario;
– Entrada di Peloton di Bandera;
– Mensahe di representante di lidernan Spiritual
– Last Post na honor di tur esnan den felis memoria;
– Petishon di Komandante di Peloton na Minister Presidènt Gilmar Pisas pa baha Bandera di
Kòrsou;
– Akto solèm di hisa Bandera di Kòrsou na okashon di 37 Aña Dia di Bandera di Kòrsou;
– Himno di Kòrsou presentá pa Richardt Engelhardt i Orkesta di Randall Corsen;
– Deklarashon pa un Kòrsou Resilente;
– Diskurso di Minister di Enseñansa, Siensia, Kultura i Deporte, sr. Sithree van Heydoorn;
– Diskurso di Minister Presidènt sr. Gilmar Pisas;
– Homenahe na representantenan di Sektor Vital (Frontliners) konsistiendo di: Representante di Tim
di Krisis, Representante di Curaçao Medical Center, Representante di Tim di Bakunashon,
Representante di Servisio di Ambulans Kòrsou, Representante di Kuerpo Polisial Kòrsou,
Representante di Brantwer Kòrsou, Representante di Selikor, Representante di Krus Kòrá,
VKC i G&GZ, Representante di Edukashon (maestro di skol), Representante di
“Voedselbank”:
– E kansion “DANKI” ta keda interpretá pa “Dibo D” bou di guía musikal Randall Corsen i
Orkesta. Koreografia bou di guía di Erickson Vicario;
– Seremonia di Krus di Mérito na honor di kondekoradonan sr. Cesario La Croes, sra. Maria
Diwan, sra. Grace Goede, sr. Ludwig Muyden i sr. Cedric Ridderplaat;
– Presentashon di Ganadó di “Un Kanto pa Kòrsou”, Ronailys Libiee – Casimiri,
– Interpretando e kansion “Amor Lo Prevalesé”. Un komposishon di Eldridson Eugenia ku
kompañamentu musikal di Randall Corsen i Orkesta;
– Shou Kultural Bou di guia di Erickson Vicario i koreografonan Clint Gosepa i Rachid Pieters:
– Grupo di Baile Folkloriko Ambiente Kultural (FAK) i artistanan invitá Direktor Musikal
Randall Corsen;
– Poemanan di Jordan Martis, Kyon Chirino i Santley Goedgedrag;
– Presentashon di kansion: Willemstad Komposishon di Randall Corsen, kantante “Dibo D”;
– Presentashon di kansion: Pa un Mihó Mañan, Komposishon di Boy Thode, Kantante Boy
Thode, Richard Engelhardt, Veanira Booi Reed Tania i Lintje Isenia;
– Potpouri Dia di Bandera: Kantantenan: Dibo D, Heinrich Pieter i Sharrel Adjatay Denisia.
– Klousura ofishal.
