Detenshon pa asesinato.

KOMUNIKADO DI PRENSA 243 / 2021
8 yüli 2021
Detenshon pa asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku investigashon relashoná ku e kaso di tiramentu ku morto ku a tuma lugá
dia 3 di yüli último den Kaya Berom (komunikado di prensa 242/2021), polis a hasi un
detenshon.
Djárason 7 di yüli 2021 alrededor di 17.15 or, e tim investigativo di kasonan di homisidio
konhuntamente ku e tim di aresto a detené e hòmber S.G.N. di 18 aña di edat, nasé na
Kòrsou, relashoná ku e kaso ariba menshoná.
Detenshon di e sospechoso a tuma lugá na un adrès na Noord Zapateer.
Seguidamente a hasi un entrada hudisial den un kas na Kaya Mafalda Salsbach Minguel,
kaminda a konfiská un telefòn.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.