Kampeonato International di biyar

Tremendo kampionato di biyar international bou di e nomber The After Lockdown 9 Ball tournament organisa pa Power Pool Productions kual ta wordu dirigi door di Sr. Karl Vervuurt i su team Jimmy Rol i Riander Da Costa Gomes. Un total di 37 participante di entre otro Korsow Aruba i Boneiru lo bai bataja fuerte e weekend aki na Boca stars Pool room serka Nelson Tremus na Boca Sami. E espektativanan ta haltu pa wak kwa dje islanan ta domina den e deporte aki ku despues di e temporada di lockdown no a konose masha aktividat manera sa tin normal vooral riba e parti international.

Djabierne dia 9 di juli ta start sali 5pm ku e loting pa despues 6or inicia e kampeonato ku ta wordu dedika Na Sr Tremus ku a logra di amplia su pool room ku 3 mesa extra pa jega na un total di 6 mesa. E diciplina lo ta bai ta 9 ball kareda pa 7 double elimination te ku lastu 8. Lastu 8 e ta bira dal saka. Ta bai tin mas ku 6000 florin na premio ku lo keda reparti entre e lastu 8 finalistanan.

Bou di e favoritonan sigur pa bai ke premio mayo ta Shamir Tremus I Jeffrey Nieuwenhuijzen di Korsow. Di Boneiru Janiro Chatlijn i Marnix Abdul i di Aruba Jason Kock i Jorge Petrocci. Banda di e dosnan aki ta bai participa dos biyardista grandi di aruba ku tin trayektorio hopi largu ku ta Richard Wolff i Roland “Dito” Acosta. Power Pool productions ta invita pueblo kompleto pa bin disfruta di weganan international riba nivel e weekend aki serka Nelson na  Boca Stars Pool Room. Pa esnan ku no logra jega por sigi e weganan fia di facebook den e group King of the caribbean kaminda lo por wak e weganan via di live stream. Na final Power Pool