Minister van Heydoorn ta deseá un pronto rekuperashon na nos futbolistanan.

 

Minister van Heydoorn ta deseá un pronto rekuperashon na nos futbolistanan.

 

Willemstad – Komo ku Korsou ta enfrenta diferente retonan, kaminda nos mester sigui perseverá,  komo titular enkarga ku deporte Minister sr. Sithree van Heydoorn ke mustra riba e hecho ku nos ta sigui pa dilanti komo pais den e situashon di e pandemia di COVID-19. Minister van Heydoorn a komprondé ku nos selekshon nashonal di Futbòl no ta partisipá mas na e Concacaf Gold Cup 2021.

 

Konforme e reglenan vigente pa ku e pandemia COVID-19 tur futbolista i miembro staf/tim mester hasi test di COVID-19. Tur test i prueba a keda hasí konforme e medidanan di prekoushon. E testnan a keda hasí den estrecho koperashon ku e organisashon di Concacaf i Federashon Futbòl Kòrsou (FFK). 

 

Lamentablemente un grupo di e futbolistanan a keda kontagia den e periodo di 28 yüni pa 4 yüli 2021, esaki ta algu ku ningun hende por a premirá.  Concacaf i FFK a hasi nan máksimo esfuerso pa ku e situashon ku a presenta, pero mester keda tene na e reglanan ku Concacaf a pone relashoná ku e Pandemia. Pesei huntu a tuma e desishon pa pone seguridat i salú di e futbolistanan i tim kompletu na promé lugá. 

 

E situashon aki ta un desapunto pero na mes momentu nos ta keda positivo. Esaki ta mustra riba e hecho ku komo pais nos ta haña nos konfrontá ku un situashon ku nos no tabata deseá. Pero komo pais nos mester keda sigui pusha dilanti di forma positivo.  Minister di Enseñansa, Siensia, Kultura i Deporte sr. Sithree van Heydoorn ta deseá nos selekshon di futbòl un pronto rekuperashon i ta desea forsa na e hungadornan di nos selekshon ku  ta den karentena i/o isolashon.

 

Sr. S.van Heydoorn

Minister di Enseñansa, Siensia, Kultura i Deporte

This site uses Akismet to reduce spam. Learn how your comment data is processed.

error: Content is protected !!
%d bloggers like this: