Kiebro i ladronisia formal na agensia di bebida.

 

KOMUNIKADO DI PRENSA 280/ 2021
9 augùstùs 2021
Kiebro i ladronisia formal na agensia di bebida.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den oranan di mainta di djaluna 9 di augùstùs 2021, polis a risibí notifikashon di un kaso di
kiebro i ladronisia formal ku a tuma lugá na un agensia di bebida na Dokweg.
Deskonosínan den oranan di anochi òf mardugá, lo a kòrta un porta di heru di e negoshi aki
i bai ku un kantidat te ainda deskonosí, di prinsipalmente kahanan di wiski.
E kaso aki ta den investigashon i ta supliká tur siudadano ku keda aserká pa kumpra bebida,
sea na kaha of detayá, pa no hasi esaki pero avisá polis mesora.
Kumprando artíkulonan hortá, ta hasi bo kómplise na e krímen aki i bo ta kastigabel pa
enkubrimentu.
Kualke persona ku tin informashon tokante di e ladronisia brutal aki, tuma kontakto ku polis
na 917 of e liña anónimo 108.
Polis ta bolbe pidi prinsipalmente komersiantenan pa ta alerta den e dianan aki, ya ku
manera nos a anunsiá riba nos ‘facebook’ den siman tras di lomba, último dianan aki
tabatin vários ladronisia di ekíponan di konstrukshon pisá i tambe vehíkulonan manera
pikòp i vèn.
I no ta eskluí e posibilidat ku malechornan lo usa e ekíponan i vehíkulonan hortá aki, pa
kometé mas robo brutal riba nos isla.
Kuerpo Polisial ta den estado di alerta i ta pidi komunidat tambe pa duna un man pa yuda
prevení of frustra e ladronsianan aki.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: