Detenshon di hóben riba video ku arma den man.

 

KOMUNIKADO DI PRENSA 282/ 2021
9 augùstùs 2021
Detenshon di hóben riba video ku arma den man.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Relashoná ku un video ku tabata sirkulá den luna di yüli unda un hóben sintá den outo ta
saka un arma i lòs dos tiru, mandando un mensahe ku den Koraalspecht nan ta basha bala,
polis a hasi awe dia 9 di ougùstùs 2021 detenshon di e hóben aki.
Detenshon di e hòmber sospechoso G.M. di 22 aña di edat nase na Kòrsou a tuma lugá
den Kaya Lando na unda a tene un entrada hudisial tambe.
Despues di presentá e sospechoso dilanti di un fiskal ouksiliar i interogashon, a laga e hóben
den libertat.
Tantu polis komo Ministerio Publiko ta informá, ku e kasonan aki ta keda debidamente
investigá i un apelashon ta bai spesialmente na hóbennan, pa pensa bon promé ku kometé
e aktonan aki.
E por tin konsekuensia hopi serio pa bo despues, ya ku ta keda konsiderá ku bo a bin den
kontakto ku hustisia, na momentu ku bo wòrdu detené.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: