Fecha nobo pa èksamen teóriko di reibeweis

Fecha nobo pa èksamen teóriko di reibeweis

Geplaatst op 10 August 2021 dor di Ministerio Maneho di Gobernashon, Planifikashon i Servisio Públiko

WILLEMSTAD – Departamento di Reibeweis (Sta. Rosaweg) di Ministerio di Maneho di Gobernashon, Planifikashon i Servisio Públiko ta informá ku djasabra 14 di ougùstùs 2021, ta kontinuá ku e èksamen teóriko ku a keda posponé luna pasá.

Personanan ku tabatin fecha pa pasa èksamen teóriko pa reibeweis dia 29 di yüli último no por a tuma lugá manera planiá. Por anunsiá awor ku pa dia 14 di ougùstùs benidero a regla pa e kandidatonan ku mester a pasa nan èksamen 29 di yüli último, tin e oportunidat pa hasi esaki. E orario ku nan tabatin ta keda meskos, pero riba e fecha nobo akí. Departamento di Reibeweis ke pidi tur persona pa kòrda bini ku tur dokumentashon nesesario.

Ta keda mantené e medidanan den kuadro di protekshon kontra infekshon di COVID-19 pa tantu e kandidatonan, empleado- i eksaminadónan.

Pa mas informashon por tuma kontakto via number di telefòn 736-2929. Tambe por manda un mail na rijbewijzen.puz@gobiernu.cw.