Miembro di Parlamento Gwendell Mercelina, Jr. di PNP ta pidi pa “.. Stòp di konfundí e pueblo, paso ketu bai ta re-negoshando COHO! Nada ta manera e la inisiá …”

Miembro di Parlamento Gwendell Mercelina, Jr. di PNP ta pidi pa

“.. Stòp di konfundí e pueblo, paso ketu bai ta re-negoshando COHO! Nada ta manera e la inisiá …”

 

 

WILLEMSTAD, CURAÇAO – Mester realisá ku a re-negosha COHO, i lo sigui pusha mas ku por pa protehá nos bos den Reino. E ròl ku e konseho di Raad van State i nos Raad van Advies (Hunta di Konseho) tabata fundamental pa nos a kana riba e proseso di kambio.

E lucha ku a bini ta hiba riba protekshon di nos outonomia ta ainda vigente, i sigur manera Nashonal a proklamá den elekshon e lo sigui enkaminá e proseso aki huntu ku e partner di koalishon MFK.

Mester realisá ku te ainda e akuerdo ku gobièrnunan di Reino tin ta un proposishon ku reserva riba e lei di konsenso pa e Rijkswet Caribisch Orgaan voor Hervorming en Ontwikkeling (COHO, Lei di Reino di e Órgano Karibense di Reforma i Desaroyo). Konfirmando tambe e posishon i ròl fundamental ku e Parlamentonan di Reino tin riba e desishon pa akseptashon di proposishon di COHO 2.0.

Segun e Miembro di Parlamento di PNP, Gwendell Mercelina, Jr.: ‘E ta inakseptabel ku ta purba konfundí nos pueblo ku ta e mesun kos ta riba mesa, miéntras ku si no ta pa e gobièrnu aktual (Gabinete Pisas II) e outoridat di nos Staten nan no a ser salbaguardiá awe den e proposishon di lei.

Ta remarkabel ku awe e mesun hendenan ku a sakeá e pais ku métodonan intransigente, ku falta di kurashi i transparensia awe ke tilda e diferensia di ta hasi meskos ku nan. E pueblo no ta siegu, i manera e ‘dossier’ di COHO i COHO 2.0 bira públiko tur hende lo por tuma nota di e diferensianan.’

Ta bou di un preshon masha grandi ku Hulanda, paso a risibí un pais blo bashí i riba un rapides remarkabel e gobièrnu aki a bini ta kumpli pa tene kabes di nos pueblo riba awa, alabes restrukturá pa nos mes por karga nos responsabilidat konhunto.

Nos tarea ta pa laga e ‘zelfstandig bestuursorgaan’ aki ta algu temporal, i miéntras tantu ku lo laga evaluá e proposishon di lei ahustá un bia mas dor di nos Hunta di Konseho. Ainda nos ta den e proseso di re-negosashon, pa despues esaki bini Parlamento pa nos duna e toke final.

E meta prinsipal ta pa e órgano insentivá un mihó perspektiva ekonómiko, finansiero i sosial na e pueblo. Esaki mester bini reflehá den e maneho ku e órgano ke bai hasi ku e kompetensianan ku e tin. Tur loke ku mester sosedé ta ku koutela konfiando riba nos propio forsa pero ku solidaridat i boluntat mutuo den Reino manera ta ankra den nos Statüt. Nos tin konfiansa ku esaki lo sosedé ku kurashi, kaminda nos gobernashon lo no sukumbí ni pa chantahe pa un saku di plaka, ni pa niun otro poder ku no ta esun ku ta funshoná ku bienestar di i pa tur Yu di Kòrsou.  

 
 
Kind regards, 
Mr. Gwendell Mercelina II, B.A

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: