Promé Minister i Minister di Salubridat ta hasi bishita na Curaçao Medical Center

Promé Minister i Minister di Salubridat ta hasi bishita na Curaçao Medical Center

Geplaatst op 13 August 2021 dor di Ministerio Asuntunan General i Promé Minister

WILLEMSTAD – Promé Minister Gilmar Pisas huntu ku Minister di Salubridat Públiko, Medio Ambiente i Naturalesa Dorothy Pietersz-Janga, a hasi un bishitá na Curaçao Medical Center (CMC).

A bishitá i tuma nota promé di e situashon aktual na CMC IC (Intensive Care). Esaki normalmente ta e Departamento di Kuido Intensivo ku bou di e sirkunstansia normal tin un kapasidat di 10 kama di kuido intensivo i 6 di kuido intermedio. Pues un total di 16 kama. Awor akí tin 14 kama ku ta keda usá dor di pashèntnan di COVID-19 ku mester di kuido intensivo.

Tambe a pasa na CCU / EHH ku ta e Coronary Care Unit i Eerste Hart Hulp. E promé ta kaminda bou di sirkunstansia normal ta pone tur pashènt ku tin problema di kurason grave. Normalmente tin 6 kama disponibel, kual awor akí ta keda okupá pa pashèntnan di kuido intensivo “NON COVID”. EHH ta fungi komo un departamento di emergensia di kurason so. Tur e kuater pashèntnan presente ta pashènt di kuido intensivo “NON COVID”.

Despues a sigui pa Departamento di Emergensia kaminda tur hende ta drenta. AOA (Acute Opname Afdeling) ta kaminda e ‘opvang’ i ‘testing stabilisatie’ di pashèntnan ku COVID-19 ta tumando lugá.

Finalmente, nos ministernan a haña e oportunidat pa bishitá i tuma nota di funshon di e tèntnan ku tin parti pafó di CMC, kaminda tur hende ta drenta pa hasi tèst di COVID-19 i ta pasa dor di e asina yamá “triage” (determinashon di seriedat i urgensia di e malesa i tratamentu nesesario).

**Riba e fotonan athunto por tuma nota di e bishita na CMC

Bishita na CMC