Plataforma pa Kambio di Klima Kòrsou

 

Plataforma pa Kambio di Klima Kòrsou
Den luna di ougùstùs e Panel Intergobernamental di Kambio di Klima di Nashonnan
Uni (IPCC) a kuminsá emití su di seis informe tokante kambio di klima. E promé
volúmen ku a sali ta trata estado di klima mundial. Den e volúmen aki ta duna e
último informashon sientífiko relashoná ku estado di nos klima, kombinando datonan
di opservashonnan di paisnan i avansenan riba tereno di siensia di klima. Tambe a
desaroyá senarionan pa futuro klima usando simulashon global i regional di klima.
Kambio di klima ta afektando kaba vários region habitá rònt mundu den un forma mas
struktural ku wer i klima ekstremo, manera kalor eksesivo, áwaseru torensial i sekura
largu. Tambe e promedio di temperatura mundial a subi ku 1.07°C (+/- 0.3) den e
último 10 añanan riba e promedio pre-industrial. Meskos temperatura di superfisie di
laman a subi ku 0.2-1.0°C den e último añanan. Nivel di laman a subi mas lihé ku a
premirá den e último añanan. Esaki ta algun di e kambionan ku a opservá.
Usando e modelonan di klima ku e senario mas optimista, ta premirá ku den e dékada
ku ta bai bini e temperatura di 1.5°C lo wòrdu surpasá. Esaki lo nifiká ku mas wer i
klima ekstremo lo bira mas frekuente.
E reto pa islanan lo ta planifikashon pa redusí e vulnerabilidat pa wer i klima
ekstremo, i pèrdida di biodiversidat dor di kambio di klima den e dékadanan benidero.
Den e kuadro aki e komishon nashonal di UNESCO a lanta e Grupo di Trabou
Kambio di Klima, presidí pa Servisio Meteorologiko Kòrsou. E meta ta pa enkaminá
un proseso pa yega na un road map. E promé paso tabata pa hasi un evaluashon na
Kòrsou tokante kambio di klima. Den e rapòrt ku a sali na 2020 ta deskribí e pasonan
di kiko ta e situashon aktual na Kòrsou i kon pa yega na un asina yamá roadmap.
Mirando ku kambio di klima lo tin impakto riba gran parti di nos komunidat, ta
importante pa tantu sektor públiko, komo sektor privá, akademianan i NGOs por
partisipá den desaroyo di e plannan di adaptashon i suavisashon. E plan aki ta wòrdu
rekomendá den e Akuerdo di Paris.
https://www.meteo.cw/Data_www/pdf/pub/Curacao%20Climate%20Change%20Poli
cy%20Asssessment.pdf
Un plan stratégiko a wòrdu trahá ku e vishon kon pa hasi Kòrsou mas resiliente pa
peligernan di naturalesa, pèrdida di nos biodiversidat, un pais klave den energia
renobabel. Pa por logra esaki ta lanta un plataforma pa interkambiá teknologia i
siensia pa realisá e ophetivonan. Curaçao Climate Change Platform lo konsistí di
organisashonnan di tur gremionan kaminda e enfoke lo ta pa desaroyá strategianan di
adaptashon i mitigashon pa Kòrsou.
Ta hasi un invitashon na tur organisashon ku tin áreanan di interes kumun pa inskribí i
asina partisipá riba e plataforma. Pa mas informashon por tuma kontakto via di e mail:
Secretariat.CCCP@meteo.cw

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: