Den preparashon pa e ret inteligente di awa i koriente AQUALECTRA TA INVENTARISÁ I DOKUMENTÁ NA FORMA DIGITAL OPHETONAN KU TA FORMA PARTI DI E RET DI DISTRIBUSHON 

 

Den preparashon pa e ret inteligente di awa i koriente

AQUALECTRA TA INVENTARISÁ I DOKUMENTÁ NA FORMA DIGITAL OPHETONAN KU TA FORMA PARTI DI E RET DI DISTRIBUSHON 

Willemstad 25 di Ougùstùs 2021- Un bon inventarisashon, den un forma digital i detayá, di tur opheto ku ta forma parti di Aqualectra su ret di distribushon ta nesesario pa Aqualectra por desaroyá e ret inteligente di distribushon di awa i koriente di futuro.  Den e kuadro aki un tim ku ta konsistí di alrededor di 12 hoben studiante di MTS, i universidatnan UoC i ICUC, ta subi kaya pa inventarisá i dokumentá tur opheto ku ta forma parti di e ret di awa i koriente.  Dor di nota esaki den un aplikashon ku ta duna lokashon geográfiko presís, e asina yamá GIS, esaki lo kontribuí na halsa e efektividat i rapides di Aqualectra pa sirbi su klientenan.  Di 26 di Ougùstùs pa fin di Desèmber próksimo por nota e hobennan aki riba kaya hasiendo e trabou importante aki.

Poko poko pero sigur ta yegando e momentu kaminda Kòrsou lo konosé su ret di distribushon inteligente.  E ret ku lo pone maneho di bo utilidat mas den bo mes man komo konsumidó.   Ta e intenshon pa mas lat den e aña aki kuminsá ku pone meternan inteligente rònt Kòrsou.  Den preparashon pa e ehersisio mayó aki tin varios trabou di preparashon ta tumando lugá.  E registrashon di ophetonan den e ret na un forma detayá i kompletu ta parti di esaki.  E registrashon ta tuma lugá dirèkt den e banko di informashon digital di Aqualectra, loke ta kontribuí na mehorá supstanshalmente e kapasidat pa por vigilá desaroyo di e ret, su mantenshon i tambe kon e diferente ophetonan riba e ret ta relatá na otro. 

Direktor di Aqualectra Darick Jonis a bisa “E dokumentashon digital aki di ophetonan riba ret ta algu ku nos mester hasi pa sigura ku loke nos tin komo inventario di ophetonan riba nos ret ta kompletamente korekto.  E ta algu nesesario pa nos hasi den preparashon pa nos introdukshon di Kòrsou su ret di distribushon di awa i koriente inteligente.  Aqualectra ta hasi bon uso di studiantenan pa duna nan tambe algu di konosementu i práktika na mes momentu.  Aqualectra ta spera di por konta ku komunidat pa e hobennan aki, tur bon identifiká, por hasi e trabou balioso aki, ku nos tur lo benefisiá for di dje.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: