Digicel kontentu di por a duna su aporte durante CuraDoet 2021

Digicel kontentu di por a duna su aporte durante CuraDoet 2021

 

WILLEMSTAD: Djasabra último un grupo di empleado i ‘influencer’ di Digicel a kompletá e proyekto ku a keda inisiá durante di CuraDoet dunando kontenido real na e lema di Digicel, Huntu Mas Mihó. Komunidat ta mihó sirbí si nos traha konhuntamente pa alkansá metanan ku ta na bienestar di un i tur, manera e inisiativanan di CuraDoet. Digicel tabatin un tim hopi animá konsistiendo di 31 persona ku a fèrf diferente espasio paden i pafó tantu na Scouting Antiano-St. Tharcisius groep na Otrabanda, komo na Radulphus College. Ademas, di yuda komunidat, kada edishon di CuraDoet ta sirbi komo un ‘team building’ tambe pa koleganan di Digicel Kòrsou. Diony Eduarda Marketing Executive ta komentá: “Digicel ta masha kontentu di por a duna un aporte na komunidat. Di e manera aki Digicel ta sigui kumpli ku su responsabilidat sosial komo empresa. Esaki ta un liña di maneho ku Digicel ta sigui den tur su merkadonan. Nos ta gradisí CuraDoet pa e oportunidat aki i alabes nos ta felisitá e organisashon ku un otro edishon eksitoso di Curadoet!” 

 

Riba imágennan athunto un impreshon di e tim di Digicel den akshon durante CuraDoet 2021