Kaso di ladronisia ku detenshon.

KOMUNIKADO DI PRENSA 302/2021
27 ougùstùs 2021
Kaso di ladronisia ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaweps 26 di ougùstùs 2021, den oranan di mardugá, Sentral di Polis a risibí informashon
di un kaso di ladronisia ku a tuma lugá den un establesimentu na Carriacouweg.
Den un investigashon ku polis a hasi na e sitio a resultá ku personalnan di un kompaña di
seguridat a sorprendé e sospechosonan aki nèt na momentu ku nan tabata kometé e
ladronisia.
Den un vehíkulo di karga i un apartamentu den konstrukskon na e sitio a haña i konfiská un
kantidat grandi di semènt i pego ku ta prosedente di e ladronisia.
Na e sitio e seguridatnan a lográ detené un (1) di e tres (3) sospechosonan.
Ta trata di e hòmber sospechoso:
 V.A.B., di 31 aña di edat, nasé na Kòrsou.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.