Firmamentu di protokol pa Intelligence Center Curacao (I.C.C.)

KOMUNIKADO DI PRENSA 313 / 2021
2 sèptèmber 2021
Firmamentu di protokol pa Intelligence Center Curacao (I.C.C.)
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 2 di sèptèmber 2021, a tuma lugá firmamentu di protokol entre 8 entidat den
kuadro di koperashon basá riba inteligensia i kolaborashon.
E akto importante aki ku a tuma lugá den sala di reunion di polis na Winston Churchillweg, a
konta ku representantenan di Kuerpo Polisial, Ministerio Publiko, Duana, Wardakosta,
KMar, R.S.T., Servisio di Seguridat di Korsou i Interpol Korsou.
E protokol en kestion ta rigi interkambio di informashon i koperashon di trabou mas
intensivo entre e servisionan aki, riba e área di kontrol, mantenshon di òrdu i investigashon
pa loke ta trata aktividatnan kriminal tantu lokal, pero tambe esnan ku ta krusa frontera.
Ku realisashon di e akuerdo aki, hustisia ta yega mas serka di aktonan kriminal i te asta por
kana dilanti, antisipando i atendiendo ku aktividatnan kriminal delantá, dor di kompartí
informashon, eksperensia i konosementu ku otro.