Detenshon relashoná ku atrako.

 

KOMUNIKADO DI PRENSA 321 / 2021
10 sèptèmber 2021
Detenshon relashoná ku atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku investigashon relashoná ku atrako ku a keda kometé dia 6 di sèptèmber
2021 na Hoendenberg, personal di tim di atrako a hasi detenshon di dos sospechoso.
Djabièrnè 10 di sèptèmber 2021, alrededor di 04.10or di mardugá, tim di atrako a detené e
hòmber sospechoso J.G.R.d.L.C. nasé na Repúblika Dominicana di 28 aña di edat.
Detenshon a tuma lugá den su outo riba kaya na Zuid Popo.
Seguidamente a tene entrada hudisial na un kas na Montagne Rey i Rooi Santu. Polis a haña
i konfiská diferente artikulo ku ta di importansia pa e investigashon di atrakonan kometé
den área di pariba.
Na e kas na Rooi Santo alrededor di 06.10or di mainta, polis a detené un dama sospechoso
N.G.P. nasé na Kòrsou di 18 aña di edat.
A presentá ámbos sospechoso dilanti un fiskal ouksiliar ku a ordená nan enkarselamentu
pendiente di mas investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: