[ PROTOKOL PARLAMENTO ] Medidanan di tráfiko en konekshon  ku e Réunion solèm di Apertura Aña Parlamentario Djaluna dia 13 i djamars dia 14 di sèptèmber 2021

 

[ PROTOKOL PARLAMENTO ] Medidanan di tráfiko en konekshon  ku e Réunion solèm di Apertura Aña Parlamentario Djaluna dia 13 i djamars dia 14 di sèptèmber 2021

Willemstad – Djamars dia 14 di sèptèmber próksimo lo tin e seremonia Militar i Reunion Solèm relashoná ku  Apertura di e aña Parlamentario 2021-2022.  E seremonia Protokolar i Militar  lo  konsentrá entre e área di Palasio di Gobernador di Kòrsou i Wilhelmina plein den boka di pueblo “Alameda”. 

Djaluna awó dia 13 di Sèptèmber kuerponan uniformá i Militar lo tene un ensayo general entre 7:00 AM or pa 9:00 AM. Djamars dia 14 di Sèptèmber mainta e Reunion Solèm lo tuma lugá.   En konekshon ku esaki e siguiente medidanan di tráfiko lo ta na vigor na momentu dje Reunion Solèm den Parlamento.  Di 06: 00 AM di mainta te na final dje seremonia Militar i e Reunion Solèm di Parlamento, usuarionan lo no por trafiká ni stashoná outo riba e plenchi dilanti Palasio di Gobernador (Gouverneursplein), e área wèst, sùit i ost di parke Wilhelmina, lo no por stashoná outo riba Hendrikplein esta e plenchi dilanti di De Tèmpel, Waterfort i Batterijstraat parsialmente, e área ost di Wilhelmina plein lo ta reserva pa Miembronan i Invitadonan di Parlamento.  

Pa loke ta e parti di e seremonia Militar di Marina Real i e Kuerponan Uniformá e marcha Militar lo kuminsá na Gouverneursplein dilanti Palasio di Gobernadó kaminda VKC lo tin un peloton ta tene e Guardia di Honor, E desfile Militar eskoltando su Ekselensia Gobernador di Kòrsou pasa drenta den Breedestraat Punda, subi Wilhelmina plein pa terminá dilanti di Stadhuis. E Bateria Militar “Krommelijn”  lo laga e Saludo Militar di 21 tiru di kayon resoná  den Punda na momentu ku Gobernador di Kòrsou ta yegando Parlamento.

Pa e dia ei tur habitante òf personanan ku ta traha den sentro di nos siudat Punda lo tin di tene kuenta ku e kambionan i tráfiko lo ta un tiki restringí  entre 06:00 AM pa 11:00 AM di mainta. 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: