Aksidente di tráfiko, polis a risibí informashon ku e dama a fayesé dor di e leshonnan ku e la risibí.
KOMUNIKADO DI PRENSA 324 / 2021
15 sèptèmber 2021
Aksidente di tráfiko .
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 14 di sèptèmber 2021, alrededor di 19.05’or Sentral di Polis a risibí notifikashon ku
outo a alkansá un peaton riba F.D. Rooseveltweg.
For di un investigashon ku polis a hasi na e sitio a resultá ku un dama ku tabata krusando
kaya, a para mei mei di e kaminda wardando un vehíkulo ku tabata bini for di Palu Blanku
direkshon di Sta. Maria pasa, pa asina e por sigui krusa pa e otro lado di kaminda.
Un vehíkulo ku tabata kore riba F.D.Rooseveltweg direkshon di Palu Blanku no a mira e
dama i a alkansé ku su vehíkulo. Dor di e impakto aki e dama a sufri multiple leshon i
ambulans a transporté pa sala di emergensia di CMC.
Alrededor di 21.57’or polis a risibí informashon ku e dama a fayesé dor di e leshonnan ku e
la risibí.
Polis ta disponè di nomber di e víktima, pero mirando ku ta trata di un dama estranhero
mester pone famianan den eksterior na altura, promé ku duna informashon mas
informashon.
Departamentu di Tráfiko ta kontinuá ku e investigashon.