ETE ta ranka sali ku e promé parti di digitalisashon

ETE ta ranka sali ku e promé parti di digitalisashon

Geplaatst op 15 September 2021 dor di Ministerio Enseñansa, Siensia, Kultura & Deporte

Sentro di Èkspertisia pa Prueba i Èksamen (ETE) a hasi apertura ofishal di nan trayekto di digitalisashon

WILLEMSTAD – Djaluna 13 di sèptèmber 2021 a tene e promé pruebanan di naturalisashon di forma digital den un sala kompletamente komputarisá. Apertura ofishal di e sala komputarisá i lansamentu di e trayekto di digitalisashon pa e pruebanan di naturalisashon, a tuma lugá riba 10 di sèptèmber último den presensia di Minister di Enseñansa, Siensia, Kultura i Deporte (ESKD) sr. Sithree ‘Cey’ van Heydoorn i hefe di ETE sra. Esther Padilla-Bomberg.

Desde 1 di yanüari 2011 ETE ta e organisashon ofishal outorisá ku pruebanan di naturalisashon. E siudadano ku ke e nashonalidat hulandes mester pasa un èksamen. E èksamen di naturalisashon ta konsistí di 3 parti obligatorio. E partinan ta (1) konosementu di organisashon polítiko i komunidat, (2) abilidat di idioma papiamentu i (3) abilidat di idioma hulandes. Pa mas informashon di esakinan por bishitá: www.ete.cw.

Ku apertura di e sala komputarisá ta posibel awor pa traha e pruebanan di forma digital, kual ta yuda aselerá e trayekto. Tambe e ta yuda gobièrnu ekonomisá riba un parti grandi di e presupuesto. A reorganisá e sala di kòmpiuter di tal forma ku e tin tur e ekipo- i fasilidatnan digital nesesario pa por traha den e era moderno di digitalisashon. Na mes momentu a traha huntu riba un programa digital (software) pa e prueba di naturalisashon ku tambe a keda kla pa uso. ETE a haña sosten di e kompania Citrus Andriessen pa ku desaroyo di e programa, kaminda a traha awor akí riba parti 1 i 2 i den aña 2022 lo sigui ku parti 3, kual ta e abilidat pa idioma hulandes.

Komo ku e parti integral di henter e trayekto interno di prosesonan gubernamental di digitalisashon ta kuadra ku maneho di gobièrnu, e akseso/archivo/datonan di informashon tambe ta importante pa digitalisashon. P’esei huntu ku e organisashon Panta Rhei a traha riba un infrastruktura, kual ta enserá un aplikashon kaminda ta pasa di papel bai digitalisashon (Applicatie Waarde Papier (AWP)). E AWP akí ta un programa digital kaminda ta warda i archivá datonan (database) di tur kandidato i ta keda aksesibel pa Ministerio di ESKD. For di aña 2007 ta trahando huntu riba esaki i awor e ta keda aksesibel tambe via di browser/internèt. Esaki ta nifiká por ehèmpel ku tur formulario di skolnan ta keda yená di forma digital meskos ku registrashon pa èksamen i hopi benefisio mas.

E desaroyo teknológiko moderno implementashon di esaki ta unu duradero, pasó aksesibilidat di forma virtual den nos enseñansa ta hopi importante den e tempunan akí. Minister di ESKD sr. Sithree ‘Cey’ van Heydoorn ta sigui kana ku e trayekto di digitalisashon asina por hiba nos enseñansa na un nivel mas haltu, pa un mihó desaroyo.

**riba e fotonan athunto por tuma nota di e apertura – Pa mas foto por bishitá e pagina di facebook di Ministerio na https://www.facebook.com/MinisterieOWCS

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: