Dos detenshon relashoná ku kaso di atrako.

 

KOMUNIKADO DI PRENSA 329 / 2021
25 sèptèmber 2021
Dos detenshon relashoná ku kaso di atrako.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku investigashon den e kaso di atrako ku dia 8 di sèptèmber último a tuma
lugá riba un minimarket riba Kaminda Hensley Meulens, polis a hasi dos detenshon.
Djasabra 25 di sèptèmber 2021 alrededor di 11.25’or, personal di Tim di Atrako den
koperashon ku Tim di Aresto, a tene entrada hudisial na un adrès na Zuid Popo i einan a
detené e hòmbernan sospechoso:
 N.J.G. di 16 aña di edat;
 D.H.Ph. di 26 aña di edat, ámbos nase na Kòrsou.
Durante di entrada hudisial na e mesun adrès a konfiská vários artíkulo ku ta di importansia
pa e investigashon.
Alrededor di 11.55’or a detené na e kas na Zuid Popo ei, e hòmber sospechoso S.R.R.W di
31 aña di edat nase na Afrika pa violashon di lei di opio.
A presentá e trio dilanti di un fiskal ouksiliar ku a ordená su enkarselamentu pendiente di
mas investigashon.

This site uses Akismet to reduce spam. Learn how your comment data is processed.

%d bloggers like this: