Kaso di atrako ku dos detenshon i un morto .

KOMUNIKADO DI PRENSA 332 / 2021
27 sèptèmber 2021
Kaso di atrako ku dos detenshon i un morto .
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ


Djaluna 27 di sèptèmber 2021 alrededor di 18.48’or, Sentral di Polis a risibí informashon di un kaso di atrako ku a tuma lugá riba un minimarket riba Dr. Maalweg.
Djis despues a drenta informashon ku e vehíkulo aki ku tres sospechoso aden lo tabata
bayendo direkshon p’ariba.
Riba kaminda Duvert “Boy” Nicolina unidatnan polisial a señalá e vehíkulo aki i mesora a kuminsá un persekushon.
Na diferente okashon a duna e shofùr òrdu pa para, pero sin resultado. Durante di su huida pa polis, e vehíkulo den kua e sospechosonan tabata, a aksidentá den diferente outo riba e ruta ei.
Yegando na e krusada Kaminda Jose Anthonia i Kaya Titiario, e vehíkulo di e sospechosonan a dal kontra di un otro outo di famia, kibra un palu di lus i despues bai bòltu den un kurá di kas na e skina di Kaya Titiario.
Polis a logra detené dos di e sospechosonan, e hòmbernan B.S.K. di 22 aña di edat i
A.W.P.C. di 18 aña di edat, ámbos nase na Kòrsou.
A presentá e duo dilanti di un fiskal ouksiliar ku a ordená su enkarselamentu pendiente di mas investigashon.
E otro sospechoso no tabata duna señal di bida na e sitio i dòkter di polis a konstatá morto.
Pa motibu ku famianan no a keda notifiká te na e momentu aki, no por duna nòmber di e persona ku a fayesé, liber.
Den e vehíkulo a bin enkontrá dos arma di kandela i otro artíkulonan ku ta di importansia pa e investigashon.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: