Detenshon relashoná ku asesinato.

KOMUNIKADO DI PRENSA 334 / 2021
29 sèptèmber 2021
Detenshon relashoná ku asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku e investigashon relashoná ku e kaso kaminda a haña un hòmber morto den
un pos dia 14 di sèptèmber 2021 (KOMUNIKADO DI PRENSA 323/2021), e tim ku ta
investigá kasonan di homisidio e detené 3 hòmber sospechoso.
Djadumingu 26 di sèptèmber 2021 entre 10’or di mainta pa 14.06’or di atardi a detené e
hòmbernan sospechoso:
 J.P. di 51 aña di edat;
 R.A. di 55 aña di edat;
 J.C.R. di 60 aña di edat, tur tres nasé na Haiti i ta kedando legal riba Kòrsou.
Detenshon a tuma lugá na West Rondeklip, Kaya Leonard “Leo” Renaud i na Warda di Polis
Montaña. Tambe polis a konfiská tres telefòn selular.
A presentá e trio dilanti un fiskal ouksiliar ku a ordená nan enkarselamentu pendiente di
mas investigashon.