Charles Cooper Proyekto pa bibienda ‘Flor Tropikal’ ta bira un realidat.

Charles Cooper

Proyekto pa bibienda ‘Flor Tropikal’ ta bira un realidat.
Willemstad – Ministerio di VVRP enkabesá pa Minister Charles Cooper huntu ku Eigen Woning Plan (EWP) i Domeinbeheer ta duna inisio ofisial na e proyekto ‘Flor Tropikal’ kaminda lo konstruí mas di 149 bibienda pagabel pa e pueblo di Kòrsou den e área di Montaña Abou.
E proyekto Flor Tropikal ta karga e nòmber aki pa duna honor na flornan di Kòrsou. E kasnan den e proyekto lo karga nòmbernan manera Kibrahacha, Wayaka, Trinitaria, Faya Lobi. E proyekto lo ta repartí den 2 fase. Durante di e promé fase ta traha 81 kas den un periodo di 1 aña. Den e di dos fase, lo traha 68 kas mas.
Awe dia 1 di òktober Minister Cooper huntu ku representantenan di EWP i Domeinbeheer a pone e promé piedra pa asina den un akto simbóliko duna inisio ofisial na e konstrukshon di e promé fase di e proyekto aki. E meta di e kombenio aki, ‘Public Private Partnership’ (PPP), Gobièrnu di Kòrsou ke kumpli ku e nesesidat di pueblo di pa bibienda, kaminda e desaroyadó den e kaso aki EWP ta sòru pa e infrastruktura i traha kasnan pagabel pa nos komunidat.
Ku e tipo di proyektonan aki Gobièrnu di Kòrsou ta sòru pa desaroyá barionan di un manera mas struktura, responsabel i realisá bibienda riba riba un nivel pagabel pa nos komunidat.
Pa mas informashon tokante e proyekto aki, i aplikashon pa kas por subi riba http://www.eigenwoningplan.com