Presidente Interino Mickel Martis   “Awor t’e momentu pa Gabinete Pisas mobilisá pa Refineria” 

Presidente Interino Mickel Martis 

 “Awor t’e momentu pa Gabinete Pisas mobilisá pa Refineria” 

Nos por a tuma nota di un komunikado ku sali kaminda komisarionan i Gerente di RDK ta pone nan posishon na disposishon di akshonista di kual ta Gobièrnu di Kòrsou. Ku a karta aki ta duna oportunidat i espasio ku e bala ta den skuchi di Gobièrnu Gabinete Pisas. Pesei mi ta pidi i urgi Gabinete Pisas pa fiha un posishon, asumí nan responsabilidat i mobilisá pa asina pone kos move mas lihe ku ta posibel. Nan a papia di “Head Haunting”, kuminsa ku esaki pa kaba paso ta einan E oportunidat pa bòltu Kòrsou 180° lo kuminsa. 

Pueblo no por sigui tende notisia nan negativo mas di ku e lastu trahador di Refineria mes i esnan di kontratista ku a keda tambe tin ku bai kas. Pueblo ke tende ku a jega na un akuerdo ku un operador nobo ku lo kumpli apart di e otro rekesitonan: 

1. Sufisiente sen pa invertí.
2. Tin petroli di su mes òf por garantisá e suministro di petroli sin problema.
3. Lo atende ku e problematika di polushon i invertí pa kumpli ku e norma nan di medio ambiente.
4. Garantisá kupo nan di trabou pa yunan di tera. 

 

Esaki kiermen mester kuminsa aktua awor i no por skonde mas tras di RDK. 

Pa mas informashon por tuma kontakto ku direktiva di Trabou pa Kòrsou TPK sr. Mickel Martis, na 511-7936.