PROMÉ MINISTER GILMAR PISAS TA SKUCHA PREOKUPASHON DI  SIUDADANONAN KU A ASERKÁ OMBUDSNAN.

PROMÉ MINISTER GILMAR PISAS TA SKUCHA PREOKUPASHON DI 

SIUDADANONAN KU A ASERKÁ OMBUDSNAN.

 

Willemstad – Promé Minister Gilmar Pisas huntu ku representantenan di Tim di Krisis a reuní ku Ombudsman, sr. Keursly Concincion i konsehero resientemente. 

 

Den e reunion aki Ombudsman a duna informashon riba preokupashonnan di siudadanonan ku a ekspresá nan mes serka Ombudsman relashoná ku e medidanan vigente den kuadro di e kombatimentu di e pandemia di COVID-19. 

 

Ombudsman na su turno komo defensor di pueblo ta aserká Gobièrnu pa por risibí e informashonnan nesesario, pa asina e por informá e personanan ku a ekspresá sierto preokupashon riba henter e asuntu aki. 

 

Den e kuadro aki Promé Minister a indiká ku Gobièrnu tei pa sigui traha i garantisá ku e komunidat aki den su totalidat ta keda protehé mas mihó posibel.

Basa riba esaki ta tuma medidanan balansá teniendo kuenta ku diferente faktor i interes.