TRANSISHON DI MANEHO NA REFINERIA DI KÒRSOU: SR. PATRICK NEWTON GERENTE INTERINO DI REFINERIA DI KÒRSOU ENTRANTE 29 DI ÒKTOBER PRÓKSIMO

 

 

TRANSISHON DI MANEHO NA REFINERIA DI KÒRSOU: SR. PATRICK NEWTON GERENTE INTERINO DI REFINERIA DI KÒRSOU ENTRANTE 29 DI ÒKTOBER PRÓKSIMO

Willemstad, 21 di Òktober 2021 – Entrante 29 di Òktober próksimo Sr Patrick Newton lo okupá e funshon di Gerente Interino di Refineria di Kòrsou (RdK). Sr. Patrick Newton a keda apuntá komo Gerente Interino di RdK dor di Hunta di Komisario di RdK pa remplasá Sr. Marcelino (Chonky) De Lannoy kende riba e mesun fecha ta sali for di servisio di RdK. Sr. Newton lo kuminsá laborá na RdK for di awor pa traha huntu ku Sr De Lannoy te na e momentu di transishon pa duna kontenido na un traspaso harmonioso di e maneho di RdK. 

RdK no ta un kompania deskonosí pa Sr. Patrick Newton. Te ku resientemente e tabata forma parti di e Project Management Organization (PMO) ku tabata enkargá ku búskeda di un partner stratégiko pa manehá i operá nos refineria. Sr Newton a traha den pasado na refineria den e area di desaroyo di proyektonan i ku su eksperensia den PMO a konosé e merkado petrolero. 

Sr. De Lannoy ta tuma despedida di RdK despues di a liderá e kompania pa 3 aña.  Un enkargo partikular tabata e búskeda pa un partner stratégiko pa nos fasilidatnan petrolero, kual ta kontinuando. Banda di esaki Sr. De Lannoy a pone base na reglamentu di kuenta ku PDVSA/Isla, operashon di e refineria komo terminal, rekoudá fondo for di kréditonan akumulá serka debedornan i tambe e futuro desaroyo di e terenonan ku anteriormente tabata forma parti di e refineria.  Hunta di Komisario di RdK ta gradisí Sr. De Lannoy pa e trabou desplegá i ta deseá Sr. De Lannoy tur kos bon pa futuro.

Di e forma aki ta perkurá un transishon harmonioso ku e ophetivo pa salbaguardiá e mandato di Gobièrnu pa logra reaktivá aktividat i operashon di nos refineria i Bullenbaai.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: