Ministerio di Enseñansa, Siensia, Kultura i Deporte ta bai duna homenahe na un gran baluarte, aktris i kantante, un eminensia kultural: sra. Rina M.E. Penso. Den e foto nan athunto por tuma nota di e momentu ku minister a bai hasi bishita na su kas).

Ministerio di Enseñansa, Siensia, Kultura i Deporte ta bai duna homenahe na un gran baluarte, aktris i kantante, un eminensia kultural: sra. Rina M.E. Penso. Den e foto nan athunto por tuma nota di e momentu ku minister a bai hasi bishita na su kas).

 

 

Ministerio di Enseñansa, Siensia, Kultura i Deporte ta stimulá pueblo di Kòrsou pa ban sigui traha riba un kultura di bienestar dor di sigui Konop’é, Als’é i Traspas’é. Esaki ta nifiká pa nos huntu ban hasi uzo di tur lokual ta sabiduría di nos grandinan tokante di bienestar. Ta importante pa nos konektá na nos baluartenan, halsa nan eksperiensianan riba diferente nivel di arte i kultura di moda ku nos por sigui traspasá esakinan pa nos generashonnan ku ta bini.

 

 

Dia 7 òktober 2021 minister Sithree van Heydoorn a bai bishita sra. Rina na su kas i a informá sra. Rina ku ta e intenshon pa dediká e periode di 18 te ku 26 di òktober na su persona. Durante di e periode di 18 te ku 26 òktober 2021 lo bai tin diferente aktividat i informashon na skolnan, den media i den bario pa prinsipalmente nos hóbennan sera konosí ku sra. Rina Penso i su aktividatnan den e mundo di teatro. Dia 26 òktober 2021 nos ta klousura ku un gran homenahe na sra. Rina Penso den kual tambe lo selebrá su kumpleaño.

 

 

Sra. Rina ta nasé na Kòrsou  dia 26 di  òktober (1927)  di tata i mama  yu di Kòrsou. Despues di a kaba su Mulo na St. Martinus Gesticht e a traha komo amtenar na ofisina di registro sivil. Su último 10 añanan na registro sivil sra. Rina tabata enkargá tambe ku guia di seremonia di kasamentu (voltrekken van huwelijken) te dia e la baha ku penshun na  aña 1987.

 

 

 

Bida Artistiko i Teatro

 

–       Na aña 1960 sra. Rina a kuminsá presentá den obranan teatral.

 

 

–       E ta ko-fundador di grupo di komedia Thalia.

 

 

–       E a presentá tantu na Kòrsou, sobrá islanan BES i Aruba, Hulanda i Venezuela na varios okashon.

 

 

–       Obranan konosi manera “Laiza porko Sushi, Bai bini bon mi Amor, Maribel, Despensa number robes, Mente a kue hala, Antigone, Penshonado kiko mas, esakinan ta pa menshoná algun.

 

 

 

 

 

Tradukshon

 

 

Sra. Rina a realisá diferente tradukshon di diferente obra. E.o. E tres monólogonan di Medea, Jopito, Ki karu e suku i Un kayente un friu.

 

 

 

 

Sra. Rina Penso tin un trayektoria largu komo aktris. Dia 26 òktober próksimo sra Sra Rina Penso lo kumplí 94 aña. Durante su karera sra. Rina Penso a gana hopi premio tantu na Kòrsou komo internashonal. Sra Rina a risibí entre otro e siguiente premiashonnan.

 

Premionan optení komo “Mihó aktris”:

 

 

–       1969     Festival di Teatro na Kòrsou

 

 

–       1971     Daily Journal Drama Festival na Caracas

 

 

–       1976     Aruba International Drama Festival 

 

 

Kondekorashon:

 

 

–       1972:    Kondekorá ku “Medaya di Oro di Oranje Nassau”

 

 

–       1982:    Honrá ku “Premio Cola Debrot”

 

 

–       2007: a risibi Premio Grotini

 

 

–       2012:    Kondekorá komo “Ridder in de Orde van Oranje Nassau”

 

 

                                   Sra. Rina a partisipá den diferente pelíkula hopi konosí i renombrá manera e.o. Famia Kibrá; Boka Saratonio; Almacita di Desolato; Ava i Gabriel, i último aki “La Dama Blanca. Tambe e tabata e aktris prinsipal den e pelíkula kòrtiku titulá “ La Dama Blanca” ku a gana un Premio resientemente pa Sinematográfiko na Caribbean Tales International Film Festival 2021. Tambe e a aktua den novelanan na radio i televishon.

 

 

Riba tereno di Kanto:

 

Di mucha sra. Rina tabata gusta kanta i p’esei mes e tabata den Kor for di skol ku na algun okashon a yega di presentá na algun okashon na Radio Curom i un biaha tambe den Teatro Roxy bou di direkshon di Marie Sprockel.

 

 

Tambe e a presentá den otro Kornan manera Orfeon Crescendo; kor di Coromoto, kor di Frank Davelaar, Kor di Vivienne Frans & Co. i Kor The Voices di Boy Wout.

 

 

Komo solista sra. Rina a yega di presentá den show na Telecuracao e.o. “Show di Globo”, hotelnan i Sentro Pro Arte. Tambe ela partisipá den musical “it’s a small world”.

 

 

 

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: