Rekonosementu pa Giovanni Abath

Rekonosementu pa Giovanni Abath

Geplaatst op 01 November 2021 dor di Ministerio Enseñansa, Siensia, Kultura & Deporte

Rekonosementu pa Giovanni Abath den produkshon sinematográfiko ‘La Dama Blanca’

Willemstad – Resientemente, Gobièrnu di Kòrsou a duna honor na vários personahe den e mundo di sinematografia relashoná ku e pelíkula ‘La Dama Blanca’. Giovanni Abath, komo un di aktornan prinsipal di e obra artístiko kultural aki, tambe a keda rekonosé. Minister di Enseñansa, Siensia, Kultura i Deporte sr. Sithree ‘Cey’ van Heydoorn a hasi entrega di e rekonosementu.

E pelíkula “La Dama Blanca” (2021) a gana e premio di ‘Cinematography Award 2021’ na e Festival Internashonal ‘Tales’ den Karibe. Sra. Hester Jonkhout a gana e premio aki, i tabata e produktor, direktor, i komo kamarografo huntu ku Sra. Laura Quast komo eskritor di e ‘script’ i outor, i sr. Guus de Sain komo outor i regisor.

Gobièrnu di Kòrsou ta haña importante pa duna publisidat i rekonosementu na nos mes hendenan ku ta ehèmpel pa nos tur.  Gobièrnu di Kòrsou ta sumamente orguyoso i ta rekonosé e gran balor di e produkshon sinematográfiko kòrtiku “La Dama Blanca” ku ta muestra di un parti di nos historia artístiko kultural.

Pa mas informashon por wak e komunikadonan: Rekonosemenu pa Produkshon La Dama Blanca i Kondekorashon na sra. Rina Penso. 

—-

** riba e potrèt por mira entrega di e galardon na sr. Giovanni Abath.

Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: