Prome Minister Evelyn Wever-Croes: 𝗚𝗢𝗕𝗜𝗘𝗥𝗡𝗢 𝗟𝗢 𝗛𝗔𝗖𝗜 𝗔𝗡𝗨𝗡𝗖𝗜𝗢 𝗢𝗙𝗜𝗖𝗜𝗔𝗟 𝗠𝗔𝗡𝗘𝗥𝗔 𝗖𝗨 𝗞𝗘𝗗𝗔 𝗖𝗟𝗔 𝗖𝗨 𝗡𝗢𝗠𝗕𝗥𝗔𝗖𝗜𝗢𝗡 𝗗𝗜 𝗘 𝗦𝗜𝗚𝗨𝗜𝗘𝗡𝗧𝗘 𝗥𝗘𝗣𝗥𝗘𝗦𝗘𝗡𝗧𝗔𝗡𝗧𝗘 𝗗𝗜 𝗚𝗢𝗕𝗜𝗘𝗥𝗡𝗢 𝗗𝗜 𝗔𝗥𝗨𝗕𝗔 𝗡𝗔 𝗨𝗡𝗜𝗢𝗡 𝗘𝗨𝗥𝗢𝗣𝗘𝗢
Gabinete Wever-Croes
Prome Minister Evelyn Wever-Croes:
𝗚𝗢𝗕𝗜𝗘𝗥𝗡𝗢 𝗟𝗢 𝗛𝗔𝗖𝗜 𝗔𝗡𝗨𝗡𝗖𝗜𝗢 𝗢𝗙𝗜𝗖𝗜𝗔𝗟 𝗠𝗔𝗡𝗘𝗥𝗔 𝗖𝗨 𝗞𝗘𝗗𝗔 𝗖𝗟𝗔 𝗖𝗨 𝗡𝗢𝗠𝗕𝗥𝗔𝗖𝗜𝗢𝗡 𝗗𝗜 𝗘 𝗦𝗜𝗚𝗨𝗜𝗘𝗡𝗧𝗘 𝗥𝗘𝗣𝗥𝗘𝗦𝗘𝗡𝗧𝗔𝗡𝗧𝗘 𝗗𝗜 𝗚𝗢𝗕𝗜𝗘𝗥𝗡𝗢 𝗗𝗜 𝗔𝗥𝗨𝗕𝗔 𝗡𝗔 𝗨𝗡𝗜𝗢𝗡 𝗘𝗨𝗥𝗢𝗣𝗘𝗢
Durante conferencia di prensa di Gobierno di Aruba dialuna mainta, Prome Minister Evelyn Wever-Croes a aclarea si Parlamentario señor Ady Thijsen lo ta e siguiente Representante di Gobierno di Aruba na Union Europeo pa reemplasa señor Eddy Paris.
Prome Minister a duna di conoce cu esaki ta algo cu ta den proceso y no tin nada definitivo aworakinan den esaki. Partido Movimiento Electoral di pueblo ta esun cu ta propone cierto decisionnan. Den e caso aki señor Thijsen, mirando su experiencia y su conocemento, a wordo pidi pa asumi e funcion aki.
Señor Eddy Paris su funcion a termina caba pasobra e ta mara na e duracion di e Gabinete, den e caso aki, Gabinete Wever-Croes I. Riba peticion di Prome Minister, señor Paris ta trahando ainda te cu fin di december pa encarga di asuntonan pendiente y haci e traspaso debido. “E no ta algo cu ta ful finalisa ainda pero ora yega asina leu, e ora nos lo haci e anuncio oficial”, Prome Minister a indica.
Riba e pregunta si ya caba tin reemplasante pa señor Thijsen den Parlamento, Prome Minister a remarca cu lo sigui e proceso cu mester cana. Ora un parlamentario sali, tur esnan cu ta riba e lista prome cu n’e ta haya un oportunidad pa drenta Parlamento. Si nan no kier nan lo firma cu nan no kier y nan ta keda cu e funcion cu nan tin awor. E procedura ta un cu mester cuminsa ainda ora señor Thijsen entrega su retiro. “Mientras tanto, nos a pidi señor Paris en todo caso pa keda te fin di aña pa nos tin tempo pa atende tur esaki. Nos no tin un deadline pero nos ta purba traha diligentemente riba dje si”, Premier Wever-Croes a duna di conoce.
