CURACAO BANDA SHOW TA LANSA OTRO MEDLEY DI PASKU 2021
CURACAO BANDA SHOW TA LANSA OTRO MEDLEY DI PASKU 2021
WILLEMSTAD – Pa di 3 biaha, e agrupashon Musikal Curaçao Banda Show bou di direkshon di maestro Enrico Henriquez, ta lansa otro Medley di Pasku 2021. Ya a bira un tradishon ku tur fin di aña, Curaçao Banda Show ta graba un medley di kansionnan di netamente di e temporada di Pasku i fin di aña.
Na 2018 tabata e promé biaha ku Curaçao Banda Show a lansa su promé produkshon di Medley pa fin di aña ku hopi éksito. E di dos tabata na 2019 ku tambe a bira un éksito. Nan tur por keda mirá riba Youtube i tambe Facebook Page di Curaçao Banda Show.
Na 2020, e aña ku básikamente tabata tin un lockdown den nos pais, Curaçao Banda Show no a graba un Medley di Pasku, pero si a traha un video di mensahenan positivo.
Pa 2021, Curaçao banda Show ta bek ku un Meldey di 4 kansion interesante ku nos ta pone na disposishon di pueblo di Kòrsou. Ta trata aki di kansionnan kantá pa Jose Villasmil, Henry Lopez i Daina
E MEDLEY DI 4 KANSION
E promé kansion den e medley ta “Otra vez Diciembre” ku ta un kumbia komponé pa Juan Diego Marín Avila i ku a keda kantá pa Argenis Caruruyo ku Super Combo Los Tropicales. Den e medley aki, e kansion ta ser interpretá pa Jose Villasmil mihó konosí komo Pipo.
E di dos kansion ta e salsa “Reluciente sol” di El Gran Combo i e di tres “Aires de navidad” di Hector Lavoe ku ta keda kantá pa Henry Lopez.
E di kuater kansion den e medley aki ta “Farolito” ku originalmente a keda kantá na 1995 pa Gloria Estefan. Kompositor i produktor tabata e kolombiano Kike Santander i e kansion aki a aparesé riba e álbum Abriendo puertas. Originalmente e tabata graba na e ritmo bayenato kolombiano, pero den e kaso aki, maestro Enrico Henriquez a kambia esaki pa e ritmo di tumba di Kòrsou
Di e forma aki, Curaçao Banda Show un biaha mas ta trata na trese alegria den kas di tur hende, dor di lansa un bon produkshon riba merkado. Na e momentunan aki ta trahando tambe riba e video clip ku mester kompañá e kansion aki.
Abo ku ke skucha e piesa aki na bo radio emisora favorito, bo por pidi esaki libremente sigur e fin di aña aki ku ta unu spesial pa nos kada unu.
For di aki Curaçao Banda Show, mediante su direktor musikal, pero tambe tur su integrantenan ta deseá Pueblo di Kòrsou, pero mundu kompletu, un Bon Pasku i Felis aña 2022.
Atentamente
Curaçao Banda Show
Potrèt: Aki por mira e tres kantantenan, Pipo, Henry i Daina de kompania di el maestro Enrico Henriquez ku a graba e Medley di Pasku 2021


