Klousura di proyekto ‘WASTE NO MORE’

Klousura di proyekto ‘WASTE NO MORE’

Willemstad – Dia 12 di novèmber último, 15 partisipante a risibí nan sertifikado, despues di a finalisá e proyekto ‘Waste no more’. Durante e proyekto ‘Waste no more’ e partisipantenan a haña oportunidat pa atkerí eksperensia di trabou, ritmo i disiplina di trabou, siña un fishi den práktika i amplia nan abilidatnan sosial durante e trayekto di un aña. Despues di finalisá e trayekto, 11 di e 15 partisipante a haña un trabou i asina a kumpli ku e meta prinsipal di e proyekto. Minister di Ministerio Desaroyo Sosial, Labor i Bienestar, Sra. R. Larmonie Cecilia, a hasi entrega di un sertifikadonan di partisipashon na e partisipantenan.

Ministerio di Desaroyo Sosial, Labor i Bienestar (SOAW) ta para pa integrashon di personanan ku tin ònderstant komo fuente di entrada den e sirkuito produktivo. SOAW ta deseá pa nan por proveé pa nan mes den nan nesesidatnan básiko. Un di e medionan importante pa logra esaki ta pa desaroyá proyektonan edukativo i di rekapasitashon.
Proyekto ‘Waste No More’ ta un proyekto derivá for di e programa ‘Formashon Personal i Desaroyo’. E meta prinsipal di e proyekto aki ta pa prepará partisipantenan pa subi merkado laboral i mantené nan mes riba merkado laboral. E proyekto ‘Waste No More’ a keda ehekutá den kooperashon ku “Green Phenix”, ku tin hopi ekspertísio riba e tereno di resiklahe di plèstik. E proyekto no ta kontribuí solamente na formashon, desaroyo i preparashon di e partisipantenan, pero tambe na redukshon di e problema mundial di kontaminashon di nos medio ambiente.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: