RESULTADO DI REUNION DI KONSEHO DI MINISTER DI REINO RIBA DJABIÈRNÈ 17 DI DESÈMBER 2021

MINISTERIO KONSERNÍ ASUNTUNAN GENERAL I PROMÉ MINISTER

 

RESULTADO DI REUNION DI KONSEHO DI MINISTER DI REINO RIBA DJABIÈRNÈ 17 DI DESÈMBER 2021

PUBLIKÁ RIBA 17 DECEMBER 2021

WILLEMSTAD – Riba djabièrnè, 17 di desèmber 2021, Konseho di Minister di Reino (RMR) a trata e petishon di Kòrsou pa desviá di e normanan di prosupuesto manera stipulá den artíkulo 25 di Lei di Supervishon Finansiero (RFT). Segun e lei nos islanan por tin un défisit presupuestario solamente despues di aprobashon di RMR. Manera ta konosí, e presupuesto pa 2022 aprobá dor di Parlamento di Kòrsou tin un défisit, pero mester remarká aserka ku e biaha akí Kòrsou no tabata tin mester di sosten finansiero.

Sinembargo, Kòrsou mester a kumpli ku diferente kondishon manera entre otro:

  • Adaptashon di e lei “Landsverordening eerste tranche optimalisering overheidsgelieerde entiteiten” na kondishonnan di RMR;
  • Establesé un plan di akshon pa minimalisá pèrdidanan di CMC;
  • Skor bon den e “uitvoeringsrapportage” pa ku ehekushon di a agènda di ehekushon (Landspakket) den di kuater kuartal di 2021;
  • Establesé i aprobá e agènda di ehekushon (Landspakket) pa promé kuartal di 2022;
  • kontribuí aktivamente na realisashon di COHO.

Kòrsou a kumpli ku tur kondishon. Sinembargo, manera a bin ta sosodé últimamente, Sekretario di Estado enkargá ku Relashonnan den Reino a bin ku un kondishon na último ora – esta un siman pasa – pa Kòrsou, Aruba i Sint Maarten aprobá polítikamente e Nota di kambio (NvW) pa ku e proyekto di lei COHO, promé ku e reunion di RMR. Ademas, pa durante di e reunion akí tambe bai di akuerdo ku un komponente ku ta den e NvW sin ku esaki a pasa Parlamentonan ainda.

Esei no por a tuma lugá ya ku riba nivel polítiko no tabata tin diskushon entre paisnan i Sekretario di Estado enkargá ku Relashonnan den Reino ainda. Ni por a skucha e sintimentunan di nos Parlamentonan.

Pa e motibu akí RMR no a tuma desision final, pero a posponé esaki pa e siguiente reunion di dia 21 di yanüari 2022 i pa duna e gobièrnunan di e paisnan tempu pa aprobá e NvW.Gobièrnu di Kòrsou ta lamentá e akshonnan di Sekretario di Estado enkargá ku Relashonnan den Reino.

Entretantu lo sigui informá pueblo mientras ta sigui ehekutá e Landspakket i monitoriá e desaroyonan polítiko na Hulanda.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: