Vehíkulo konfiská durante di ponementu di ‘fever’.

 

KOMUNIKADO DI PRENSA 022 /2022
16 yanüari 2022
Vehíkulo konfiská durante di ponementu di ‘fever’.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrne 14 di yanüari 2022 den oranan di anochi, un unidat ku tabata okupando su mes
ku kontrolnan di establesimentu, a bin tuma nota di un outo ku tabata poniendo ‘fever’ riba
Plaza Mundo Merced.
En bista di e varios atvertensianan di parti di polis ku ya a bai den publisidat tokante di
prohibishon pa pone ‘fever’ riba kaminda públiko i e konsekuensia di esaki, ainda tin
outomobilista i motosiklistanan ku ta opta na kore e rísiko aki.
Shofùr die outo ku djabièrnè anochi tabata pone ‘fever’ riba Plaza Mundo Merced a risibí un
prosès verbal, mientras ku a konfiská e vehíkulo.
Esaki ta e di dos vehíkulo ku tabata pone ‘fever’, ku den menos di un siman di tempu a keda
konfiská.

 

This site uses Akismet to reduce spam. Learn how your comment data is processed.

%d bloggers like this: