Indebon ta limpia tur tereno deportivo
Indebon ta limpia tur tereno deportivo
Kralendijk – Indebon e aña akí Indebon lo ta mas aktivo den komunidat i rònt Boneiru. Indebon a kuminsá ku limpiesa na terenonan deportivo tantu paden i rònt di esakinan. Pa loke ta trata e aña akí Indebon ta bai pone mas énfasis riba mantené e terenonan deportivo limpi, pa asina grandi i chikí por hasi uzo di esakinan mas tantu posibel. Aktualmente Indebon ta hasiendo e trabou di limpiesa akí den bario di Rincon i tambe rònt di Jossy Boekhoudt Ballpark, Amas Ballpark i vèlt di ATC. Aparte di esei na e momentunan akí Indebon ta drecha, limpia i sera kurá di e vèlt na Pal’i Tamarijn. Otro siman trabou lo inisiá na velt di Elio Flores i Julio Angela Ballpark. Tambe ta bai kuminsá ku trabou di mantenshon na e mini véltnan Sylvio ‘Chio’ Semeleer na Nort’i Saliña i Cruyff Court Tera Kòrá. Stadion di Playa tambe lo yega na turno pa haña su mantenshon, pero esaki lo ta despues ku terminá ku e sobrá terenonan deportivo.
Indebon su meta ta pa e fasilidatnan deportivo keda henter aña limpi i representabel pa komunidat kompletu por hasi uzo di esakinan i asina pone ku deporte por sigui krese na Boneiru. Indebon tin mas proyekto pa e aña akí ku nos lo anunsiá na su debido tempu. Por último nos ke hasi un petishon na komunidat pa yuda tene e fasilidatnan deportivo limpi i kuida i mantené esakinan. Pasobra ta di nos tur ku ta biba na Boneiru e fasilidatnan deportivo ta.
