Homber detené pa maltrato.

KOMUNIKADO DI PRENSA 045 /2022
26 yanüari 2022
Homber detené pa maltrato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djamars 25 di yanüari 2022 alrededor di 21.02’or, Polis a risibí informashon di un kaso di
maltrato ku a tuma lugá na un kas na Kaya Grusonia.
E unidat polisial ku tabata bayendo den direkshon di Kaya Grusonia a topa ku un hòmber
riba kaya ku tabata sangra for di su boka i su paña tur kibrá. Polis a komprondé di e hòmber
aki ku un ratu promé e tabatin diskushon ku un hòmber na su kas na Kaya Grusonia.
Durante di e diskushon e hòmber a maltraté i e víktima a pèrdè un djente. Mesora polis a
dirigí nan mes pa Kaya Grusonia kaminda e hòmber sospechoso na momentu ku e la mira e
unidat polisial a purba kore bai. Despues di un persiguishon kortiku na pia, polis a detené e
hòmber D.M. nasé na Jamaica di 56 aña di edat pa e maltrato ariba menshoná
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.