GOBIÈRNUNAN DI E KUATER PAISNAN DEN REINO A YEGA NA UN AKUERDO PA KU E LEI DI REINO COHO

 

GOBIÈRNUNAN DI E KUATER PAISNAN DEN REINO A YEGA NA UN AKUERDO PA KU E LEI DI REINO COHO

 

Willemstad – Gobièrnu di Kòrsou, huntu ku e tres otro paisnan den Reino, a yega na un akuerdo pa manda e konsepto di e Lei di Reino COHO pa Parlamentonan di e kuater paisnan pa deliberashon.  

Kada Parlamento lo tin e oportunidat pa tratá e lei i hasi pregunta na Gobièrno di Reino. Den un siguiente fase e delegadonan di Parlamento lo por proponé amiendanan si esaki ta keda konsiderá nesesario.

 

E Parlamentonan lo por tuma nota di e diferente kambionan ku a bini den e proposishon di lei, debí na e diferente deliberashonnan ku tabatin i konsehonan ku a risibí.

 

Mientras tantu ku e lei ta keda tratá den Parlamento lo bai sigui deliberá riba  entre otro e siguiente puntonan di atenshon, salvaguardiá e outonomia konstitutional di kada pais, garantisá e espasio pa ku e maneho polítiko di kada pais, aklará i delineá e koperashon entre COHO i CFT, krea espasio di invershon pa e reformanan ku ta den e “landspakket” i pa hasi invershon adishonal den proyektonan ku ta yuda den kresemento di nos ekonomia.

 

Por tuma nota di e komunikado na Hulandes aki bou.