Servisio pa Obra Públiko (OW) ta informá ku entrante djabièrnè 4 di febrüari 2022 ta bai hasi diferente trabou riba Kaya Rector Zwijsenstraa
Ministerio di Tráfiko, Transporte i Planifikashon Urbano
Servisio pa Obra Públiko (OW) ta informá ku entrante djabièrnè 4 di febrüari 2022 ta bai hasi diferente trabou riba Kaya Rector Zwijsenstraat.
E trabounan aki ta den kuadro di e proyekto pa drecha e sistema di riolering for di SVB te ku e sentro di purifikashon di awa na Klein Hofje. Kontratista Aliansa ta enkargá ku esaki i e trabounan tin un durashon di 5 siman.
Outomobilistanan ku ta hasi uzo di Rector Zwijsenstraat, kuminsando for di e edifisio di Extra te na e krusada di Van Eyck Voorthyzenweg / Rector Zwijsenstraat, lo mester kore riba e banda drechi di kaminda. Esaki ta konta pa ámbos banda di e kaminda. Lo bai tin bòrchinan i barinan pa guia outomobilistanan den e área.
OW ta pidi pa outomobilistanan bai poko poko, respetá e bòrchi i barinan di tráfiko den e área.
