Detenshon pa menasa i violashon di lei di opio.

KOMUNIKADO DI PRENSA 092 /2022
18 febrüari 2022
Detenshon pa menasa i violashon di lei di opio.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè 18 di febrüari 2022 alrededor di 14.30’or, Sentral di Polis a haña notifikashon di
un kaso di menasa ku ta tumando lugá na un kas den Kaya Kroner.
For di un investigashon ku polis a hasi na e sitio a resultá ku un yu tabatin diskushon ku su
mayornan i el lo mester a menasá nan ku morto.
Na e sitio polis a detené e hòmber sospechoso I.S., nase na Kòrsou di 17 aña di edat.
Durante di e detenshon a haña i konfiská un kantidat di mariwana ku e sospechoso tabatin
den su poder.
A presentá e sospechoso dilanti un fiskal ouksiliar ku a ordená su enkarselamentu
pendiente di mas investigashon.