google.com, pub-5639114718427035, DIRECT, f08c47fec0942fa0

Metementu di politika den proseso hudisial.

Willemstad, 19 di febrüari 2022.
Topiko: metementu di politika den proseso hudisial.
Distinguido señora America-Francisca,
A jega na mi konosementu ku presidente di e partido mas grandi den e aktual koalishon den Parlamento (MFK) a bai papia ku e dos (2) agentenan polisial ku a tuma distansia pa sigui vigila e seguridat di minister di finansas.
E akto aki no ta konforme di lei i e no ta un asuntu ku ta regarda partido politiko i politika. Esaki ta un asuntu ku ta regarda e ámbito hudisial. No ta na su luga pa un partido politiko i politika mete ku un asuntu ku ta mishi ku e pilar hudisial. Partido politiko i politika ku esaki ta kometiendo aktonan ku ta kastigabel pa lei.
Ku e akto spesifiko aki presidente di e partido politiko mas grandi den koalishon por influensia e agentenan polisial ku a entrega kehonan kontra komportashon di e minister di finansas, pa hala atrás nan kehonan kontra e komportashon di e minister di finansas ku ta kolega di e presidente di e partido politiko konserni. Mas aleu no por permiti ku partido politiko i politika ta drenta na boka di trabou, sigur den kaso di e agentenan polisial, i ku lo por influensia e asuntu na fabor di e minister di finansas.
Un pregunta sumamente kardinal den e henter asuntu aki ta dikon no tin un denunsia entrega sea na Ministerio Publiko òf Landsrecherche? Ministerio Publiko mester hasi un investigashon “ambsthalve”. Awor ku e presidente di e partido politiko konserni a subi e tereno aki e tambe mester keda investiga pa posibel estorbo di un proseso hudisial di kana su kaminda.
Minister di hustisia mester pidi un investigashon den e asuntu aki i Parlamento mester hasi mesun kos komo ku ta trata akinan di akusashonan sumamente serio kontra di un minister. Parlamento tin e deber i responsabalidat den kwadro di su tarea di kòntrol komo e órgano mas haltu di kòntrol den nos estado di derecho demokratiko pa atende e asuntu sumamente delikado i serio aki ku ta teniendo henter un pueblo den su gara, mas pronto ku ta posibel.
Presidente di Parlamento komo un persona ku ta para pa dignidat di hende mester pidi un reunion profeshonal mas pronto ku ta posibel pa insia un investigashon imparsial di índole penal. Pa loke ta trata asuntu di relashon di trabaou di tur trahado den sektor publiko ta Arbeidszorg ta e instansia responsabel pa mantene seguridat i dignidat di trahado na boka di trabao. Ki ehèmpel gobièrnu ta komo doño di trabao den esaki? Algu ku ta insolito den sektor priva.
Atentamente,
Drs. Luigi A. Faneyte MSc. CFE CICA CCS
Suidadano, Politiko i ex-lider Poltiko.
Share this page to Telegram

This site uses Akismet to reduce spam. Learn how your comment data is processed.

%d bloggers like this: