Detenshon pa violashon di lei di opio.

KOMUNIKADO DI PRENSA 102 /2022
23 febrüari 2022
Detenshon pa violashon di lei di opio.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kontinuando ku un investigashon relashoná ku un kaso di eksportashon di droga pa
eksterior, personal di Divishon di Krímen Organisá a detené dos dama sospechoso.
Djárason 23 di febrüari 2022, den oranan di mainta polis a detené na ofisina di Divishon di
Krímen Organisá e dama sospechoso J.B.L. nasé na St. Maarten di 25 aña di edat i na un
kas na Wishi e dama S.A.C. nasé na Kòrsou di 23 aña di edat.
Detenshon ta relashoná ku e kaso di eksportashon di droga ariba menshoná.
A presentá ámbos sospechoso dilanti un fiskal ouksiliar ku a ordená enkarselamentu di e
dama sospechoso J.B.L. pendiente di mas investigashon.
E dama S.A.C. despues di interogashon a keda laga den libertat.