Ministerio di GMN a duna honor na su empleadonan femenino riba nan dia

Ministerio di GMN a duna honor na su empleadonan femenino riba nan dia

Willemstad – Riba Dia di Hende Muhé Ministerio di GMN a tira lus riba tur su empleadonan femenino. A organisá un tremendo dia pa e empleadonan femenino kaminda di 11’ or pa 1:30 e empleadonan por a disfrutá di un lunch, mensahe di Pastor Curtis Meris i presentashonnan di Elia Isenia i Urvin Yano. Minister dr. Dorothy Pietersz- Janga durante un diskurso kòrtiku a mustra entre otro riba e lucha largu ku hende muhénan a hiba pa atkerí derechonan manera derechi di voto i pago igual.

Empleadonan femenino di Birgen di Rosario Habaai tambe a keda honrá ku bishita di Minister di GMN dr. Dorothy Pietersz Janga. Riba Dia di Hende Muhé, señora Minister a bishitá e sentro di kuido pa felisitá e empleadonan femeninio riba nan dia i alabes gradisí nan pe bunita trabou ku nan ta ehersé. Despues di e parti ofisial den un esfera ameno, Minister Pietersz- Janga a regalá un flor komo muestra di apresio na kada empleado femenino di Birgen di Rosario.
Pa mas ilustrashon bishitá: facebook.com/MinistryofHealthCuracao