Minister di ekonomia, Ruisandro Cijntje tin debido atenshon pa e asuntu di subida di preis.
Minister di ekonomia, Ruisandro Cijntje tin debido atenshon pa e asuntu di subida di preis.
Minister Cijntje mirando e desaroyonan mundial ya pa basta dia kaba ta den kontakto ku su profeshonalnan pa por risibí konseho di medidanan ku por tuma.
Resientemente minister Cijntje a yama un reunion ku gerensia di Curoil, BTP i tambe profeshonalnan di MEO pa asina por debatí riba diferente senario en konekshon ku e subida di preis di gasolin i e efekto ku esaki tin riba nos komunidat.
Banda di esaki minister Cijntje a reuní tambe ku diferente stakeholders manera por ehèmpel CPA, CPS i mas den haf tokante di e problemátika di importashon ku tambe ta kontribuí na subida di preis di kuminda na nos pais.
Durante di e reunionnan aki minister Cijntje a indiká ku ta sumamente importante pa nos profeshonalnan por analisá i prepará pa diferente senario ku por presentá debi na diferente akontesimentunan internashonal i ku tin efekto riba preis di komestibel i kombustibel.
Pa mitigá e situashon aki Minister Cijntje a instalá un “Economic Development Board” di kual e ta fungi komo su presidente i ku ta konsistí di profeshonalnan riba diferente area i disiplina pa atendé ku e desaroyonan aki di un forma struktural.
Solushonnan manera amplia makutu básiko i introdusí un sistema di sankshon pa infrakshon riba e kumplimentu ku e makutu básiko a bini dilanti.
Minister Cijntje ta invitá pueblo di Kòrsou pa sintonisá e rueda di prensa ekstraordinario djabièrnè awor, 11 di mart pa mitar di 12 di mèrdia pa asina risibí mas informashon tokante di e tópiko aki.