Minister Cooper ta pone atenshon na markamentu di kaminda durante InterTraffic
Minister Cooper ta pone atenshon na markamentu di kaminda durante InterTraffic
Willemstad – Djaweps 31 di mart tabata otro dia di InterTraffic aya na RAI Amsterdam. Aki Minister Cooper a pone atenshon riba entre otro markamentu di kaminda. Manera ta konosí, konstántemente aki na Kòrsou nos tin problema ku visibilidat di nos indikashonnan riba kamindanan. Ta p’esei Minister Cooper ke un sistema nobo pa pinta òf marka nos kareteranan na un manera muchu mas mihó i modèrno, i prinsipalmente ku ta dura muchu mas.
A tuma informashon tambe kon por detektá efektivamente sierto violashonnan di regla di tráfiko, manera entre otro di spit haltu den tráfiko i kore den outo mientras ta papiando na mesun momento ku telefòn na man.
Tambe a haña demostrahon di bòrchinan ku entre otro por wòrdu huzá pa duna informashon den tráfiko òf tambe pa hasi propaganda.
