Kasonan di tiramentu.

 

KOMUNIKADO DI PRENSA 176 /2022
2 aprel 2022
Kasonan di tiramentu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den oranan di mardugá di 2 di aprel 2022, polis a risibí diferente notifikashon di kasonan di
tiramentu ku arma di kandela.
Alrededor di 03.28’or Sentral di Polis a risibí informashon ku den área di Saliña na altura di
un klup nokturno lo a tende diferente tiru for di arma di kandela.
Na momentu ku polis tabata na e sítio hasiendo investigashon riba kashinan di bala ku a
keda riba kaya i riba dos outo ku a risibí perforashon di bala, sentral a haña otro
informashon di perforashon di bala na edifísio di un kompania di aviashon riba
Schottegatweg-Oost.
Alrededor di 04.16’or Sentral di Polis a risibí informashon di otro kaso di tiramentu.
Na Californieweg deskonosínan a pasa lòs diferente bala for di arma di kandela riba dos
vehíkulo i un kas. Polis a presentá na e sitio i a haña diferente kashi di bala riba kaya i
perforashon den muraya di un kas i dos vehíkulo.
A konfiská e dos vehíkulonan na Californieweg pa mas investigashon.
Investigashon den e kasonan ariba menshoná ta kontinuá.

This site uses Akismet to reduce spam. Learn how your comment data is processed.

%d bloggers like this: