Análisis di krimenan di impakto haltu.

REDAKSHON April 13, 2022 0 Comments

KOMUNIKADO DI PRENSA 196 /2022
12 aprel 2022
Análisis di krimenan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Krímennan di impakto haltu durante di e periodo di 4 pa 10 di aprel 2022 a duna e siguiente
resultado.

Atrako
Tabatin un (1) kaso di atrako. E atrako a tuma lugá riba djadumingu entre 03.00’or i
04.00’or.
El a tuma lugá den un kas na Kaya Mila.

Ladronisia di vehíkulo
Den e periodo polis a raportá seis (6) kaso di ladronisia di outo. Dos di nan a keda te na un
intento.
Mayoria vehíkulo a keda hortá riba djaluna i djasabra entre 01.00’or i 06.00’or.
E marka ku mas ladronnan a bai kuné ta Kia Picanto.
A bai ku vehíkulonan for di Kaya Sagaria, Pierre Le Grandstraat, Sta Rosaweg, Haitiweg,
William Lestraat i Kaya Adriatiko.

Kiebro den kas
Polis a registrá dies (10) kiebro den kas. Mayoría di e kiebronan aki a tuma lugá riba
djadumingu entre 09.00’or i 15.00’or i malechornan a penetrá dor di kibra òf fòrsa bentana
di kamber of forsa porta di patras.
E kiebronan aki a tuma lugá parti pariba di Kòrsou den barionan manera e.o. Weto, Kaya
Puresa, Kaya Viktoria, Kaya Katoentuin, Kaya Samuel, Kaya Heldu i Kaya Haggai.

Kiebro den negoshi
A konfirmá 6 kiebro den negoshi i mayoria a tuma lugá riba djarason entre 17.00’or i
03.00’or.
Malechornan a penetrá den e edifísionan dor baha via di dak den mayoria kaso.
E áreanan na unda e kiebronan aki a tuma lugá tabata Kaya Aura Winkel, Cas Coraweg, Weg
naar Westpunt, Mauritslaan i Commanchesstraat.

Kiebro den outo
Tabatin seis (6) kiebro den outo, ku a tuma lugá riba djaweps entre 10.00’or i 11.30’or.
E método ku mas e malechornan a usa tabata sea pa fòrsa of kibra e bentana di porta na
man drechi patras di e vehíkulo.
E sítionan na unda a kibra den outo tabata Veeris, Piscaderaweg, Kaya San Juan,
Parkeerplaats di Kokomobeach i Julianaplein.

Violensia relashonal
Polis mester a atendé ocho (8) kaso di violensia relashonal, di kua mayoria a tuma lugá riba
djadumingu.
E kasonan aki a tuma lugá entre 08.00’or i 24.00’or.
E áreanan kaminda ku polis mester a duna asistensia pa e tipo di violensianan aki, tabata for
di Montana Rey te ku Grote Berg.