Tepnan pa fin di siman di fiesta.

KOMUNIKADO DI PRENSA 200 /2022
14 aprel 2022
Tepnan pa fin di siman di fiesta.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Pueblo di Kòrsou. Nos ta aserkando un fin di siman largu. Ban kuida nos mes i otronan pa na
final nos por mira bèk riba algun dia plasentero, kaminda un i tur a disfrutá di un manera
sano na nan manera.
Ora bo ta sali kas :
 Sigurá bo mes ku tur porta i bentana ta bon será;
 Saka aparatonan elektróniko for di koriente i sera gas di kushiná;
 Si bo ta bin kas ora ku ya a bira sukú òf no ta bini kas, sende lus rondó di bo kas;
 Mèldu bo bon bisiña pa e tira bista pa bo;
 Sera bo porta di kurá;
Den tráfiko:
 Bisti bo faha di seguridat i evitá uso di telefòn ora bo ta stür;
 Tene kuenta ku e kantidat di hende ku por bai den un outo i no transportá hende
den baki di pikòp;
 Respetá reglanan di tráfiko i no surpasá en velosidat máksimo;
 Keda responsabel. Si bo ta stür, no bebe;
 No laga kos di balor den outo;
Na laman:
 Si mucha menor di edat ta drenta laman, sòru pa nan ta kompañá pa adulto;
 Ora bo ta bai landa, laga un hende ku bista riba bo propiedat riba playa;
 No landa kaminda ta destiná pa seadoo i boto;
 No tira kabes na sítionan ku tin baranka;
 Sòru pa bo nabegashon tin salbabida i flèr pa den kaso di emergensia;
 Wak pa bo tin sufisiente awa den boto.
Kuerpo Polisial ta deseá pueblo di Kòrsou felis dianan di fiesta i laga nos ban komportá i
kuida nos mes i otro.