Gobièrnu di Boneiru Antriol a selebrando su promé lustro

Gobièrnu di Boneiru
Antriol a selebrando su promé lustro
Kralendijk – Bario di Antriol awe ta di fiesta, Fundashon Avanti Antriol ta dediká e promé lustro di selebrashon na habitantenan di Antriol.
e mainta a kuminsá ku un santu di sakrifisio na parokia Coromoto.
despues a sigui ku e parti protokolar inisiando ku himno di Boneiru sigui pa himno di Antriol kanta pa Reginald Dortalina.
Gezaghebber Edison Rijna i diputado Nina den Heyer i miembronan di Konseho Insular tambe tabata presente.
Diputado Den Heyer den su diskurso a trese dilanti ku momentu ku su persona a skucha e palabranan di e himno esaki a pone para ketu mirando ku e palabranan ta deskribí asina bunita i e esensia di e bario, ku ta simia ku kada mucha di Antriol i tur esnan ku a bin biba den Antriol pa tuma esaki den nan kurason i bibele, finalmente diputado a desea tur presente un dushi dia i pa sigui sostené e grupo ku ta yuda i pusha di saka e talento i tur kos bunita ku tin den Antriol.
Gezaghebber Rijna primeramente a felisitá Rei Willem Alexander ku su kumpleaño i felisitá habitantenan di Antriol, sr. Rijna a duna di konosé ku bario di Antriol awe por ta orguyoso ku tin un kondekorando real mas den su seno kende ta Lupe Martis presidente di Fundashon Avanti Antriol.
Antriol tin un lugá spesial den mi kurason mirando komo mucha su persona a frekuentá Antriol na vários okashon na kas di su wela ta palabranan ku Gezaghebber a trese dilanti den su diskurso, esaki mirando ku su mama ta much’i Antriol.